မန္တလေးနိုင်ငံခြားဘာသာတက္ကသိုလ်

ကိုရီးယားဘာသာဆိုင်ရာ အတွေ့အကြုံရှင်းလင်းပွဲ အခမ်းအနား (၃-၃-၂၀၂၀)

မန္တလေး မတ်(၃)

            မန္တလေးနိုင်ငံခြားဘာသာတက္ကသိုလ် ၂၀၁၉-၂၀၂၀ ပညာသင်နှစ် ကိုရီးယားဘာသာအထူးပြု ကျောင်းသား၊ ကျောင်းသူများ၏ အတွေ့အကြုံရှင်းလင်းပွဲနှင့် ဟောပြောပွဲ အခမ်းအနားကို (၃-၃-၂၀၂၀)ရက်နေ့ နံနက်(၉)နာရီ (၃၀)မိနစ်တွင် အဆိုပါတက္ကသိုလ် သီရိရတနာခန်းမ၌ ကျင်းပခဲ့ရာ ပါမောက္ခ(ဌာနမှူး)များ၊ ဆရာ၊ ဆရာမများ၊ စီမံအရာရှိကြီးများနှင့် ကျောင်းသား၊ ကျောင်းသူများ တက်ရောက်ခဲ့ကြသည်။

ကိုရီးယားဘာသာဌာန ပါမောက္ခ(ဌာနမှူး) ဒေါ်ချောချောသူက အဖွင့်အမှာစကား ပြောကြားပြီး ကျောင်းသား၊ ကျောင်းသူများက ပရဟိတလုပ်ဆောင်မှု အတွေ့အကြုံရှင်းလင်းပြောကြားခြင်း၊ ကိုရီးယားဘာသာ စကားနှင့် ဘာသာပြန်စကားပြန်များအတွက် လိုအပ်ချက်များ ဟောပြောခဲ့ကြောင်း သတင်းရရှိသည်။

မန္တလေးနိုင်ငံခြားဘာသာတက္ကသိုလ်

CHRD PGDE,DE သင်တန်းသား၊ သင်တန်းသူများအား ကြိုဆိုပွဲ ကျင်းပ

မန္တလေး ဖေဖော်ဝါရီ ၂၀

မန္တလေးနိုင်ငံခြားဘာသာတက္ကသိုလ် လူ့စွမ်းအားအရင်းအမြစ်ဖွံ့ဖြိုးမှုဌာနက ကြီးမှူးဖွင့်လှစ်သော ဘွဲ့လွန်ဒီပလိုမာ(အင်္ဂလိပ်စာ)သင်တန်း အမှတ်စဉ်(၅၅)နှင့် ဒီပလိုမာ(အင်္ဂလိပ်စာ)သင်တန်း အမှတ်စဉ်(၅၉) သင်တန်းသား၊ သင်တန်းသူများ ကြိုဆိုနှုတ်ဆက်ပွဲ အခမ်းအနားကို ၂၀၂၀ခုနှစ် ဖေဖော်ဝါရီ (၁၉)ရက်နေ့ ညနေ(၅)နာရီအချိန်ကသီရိရတနာခန်းမ၌ ကျင်းပခဲ့ကြောင်း သတင်းရရှိသည်။

မန္တလေးနိုင်ငံခြားဘာသာတက္ကသိုလ်

ရန်ကုန်တက္ကသိုလ် နှစ််(၁၀၀)ပြည့် အထိမ်းအမှတ်ကဗျာပြိုင်ပွဲနှင့် ရသစာတမ်းပြိုင်ပွဲ ကျင်းပ

မန္တလေး ဖေဖော်ဝါရီ ၂၁

ရန်ကုန်တက္ကသိုလ် နှစ်(၁၀၀)ပြည့် အထိမ်းအမှတ်  ကဗျာပြိုင်ပွဲကို ဖေဖော်ဝါရီ (၂၁)ရက်နေ့ နံနက်(၁၀)နာရီမှ (၁၁)နာရီထိလည်းကောင်း၊ ရသစာတမ်းပြိုင်ပွဲကို မွန်းလွဲ (၁)နာရီမှ (၃)နာရီထိလည်းကောင်း၊ မန္တလေးနိုင်ငံခြားဘာသာတက္ကသိုလ် E-01 တွင် ကျင်းပရာ ဘာသာစကားဌာနအသီးသီးမှ ကျောင်းသား၊ ကျောင်းသူများ ဝင်ရောက်ဖြေဆိုကြပြီး ပါမောက္ခချုပ် ဒေါက်တာတင့်တင့်နှင့် အဖွဲ့က လှည့်လည်ကြည့်ရှု အားပေးခဲ့ကြောင်း သတင်းရရှိသည်။

ထိုင်းဘာသာစကားနှင့် ယဉ်ကျေးမှုလေ့လာရေး ဆိုင်ရာဟောပြောပွဲအခမ်းအနား (၇-၂-၂၀၂၀)

မန္တလေး ဖေဖော်ဝါရီ(၇)

            မန္တလေးနိုင်ငံခြားဘာသာတက္ကသိုလ် ၂၀၁၈-၂၀၁၉ ပညာသင်နှစ် ထိုင်းဘာသာအထူးပြု တတိယနှစ် ဝိဇ္ဇာဘွဲ့ကြို ကျောင်းသား၊ ကျောင်းသူများ၏ ထိုင်းနိုင်ငံ ချင်းမိုင်တက္ကသိုလ်တွင် ဖွင့်လှစ်ခဲ့သော ‘ထိုင်းဘာသာစကားနှင့် ယဉ်ကျေးမှု လေ့လာရေးဆိုင်ရာ’ သင်တန်းသို့ တက်ရောက်ခဲ့သော အတွေ့အကြုံရှင်းလင်းပွဲ အခမ်းအနားကို (၇-၂-၂၀၂၀)ရက်နေ့ မွန်းလွဲ(၁)နာရီတွင် အဆိုပါတက္ကသိုလ် သီရိရတနာခန်းမ၌ ကျင်းပခဲ့ရာ ပါမောက္ခချုပ် ဒေါက်တာတင့်တင့်၊ ပါမောက္ခ(ဌာနမှူး)များ၊ ဆရာ၊ ဆရာမများ၊ စီမံအရာရှိကြီးများနှင့် ကျောင်းသား၊ ကျောင်းသူများ တက်ရောက်ခဲ့ကြသည်။ အခမ်းအနားတွင် ပါမောက္ခချုပ် ဒေါက်တာတင့်တင့်က ဩဝါဒအမှာစကား ပြောကြားပြီး ကျောင်းသား၊ ကျောင်းသူများက ချင်းမိုင်တက္ကသိုလ်သို့ သွားရောက်ခဲ့သော အတွေ့အကြုံ ဗဟုသုတများကို ရှင်းလင်း ပြောကြားခဲ့ကြောင်း သတင်းရရှိသည်။

မန္တလေးနိုင်ငံခြားဘာသာတက္ကသိုလ် ကရာတေးသင်တန်းဖွင့်ပွဲနှင့်သရုပ်ပြပွဲ ကျင်းပခြင်း

မန္တလေး ဇန်နဝါရီလ(၃)

(၇၃)ကြိမ်မြောက်ပြည်ထောင်စုနေ့ အကြိုဟောပြောပွဲ နှင့် ပြည်ထောင်စုတိုင်းရင်းသားရိုးရာ အစားအစာဈေးရောင်းပွဲတော် ကျင်းပခြင်း

မန္တလေး ဖေဖော်ဝါရီ (၁၁)

(၇၃)ကြိမ်မြောက်ပြည်ထောင်စုနေ့ အကြိုဟောပြောပွဲနှင့် ပြည်ထောင်စုတိုင်းရင်းသားရိုးရာ အစားအစာဈေးရောင်းပွဲတော်ကို မန္တလေးနိုင်ငံခြားဘာသာတက္ကသိုလ် သီရိရတနာ ခန်းမနှင့် တက္ကသိုလ်ဝန်း အတွင်း ဖေဖော်ဝါရီ (၁၁)ရက် နံနက်(၁၀)နာရီ အချိန်တွင် ကျင်းပပြုလုပ်ခဲ့ကြောင်း သိရပါသည်။ပထမဦးစွာ မန္တလေးနိုင်ငံခြားဘာသာတက္ကသိုလ် ဒုတိယပါမောက္ခချုပ် ဒေါက်တာမိမိကြီးက "မြန်မာ့ ငြိမ်းချမ်းရေးနှင့် ဖက်ဒရယ်ဒီမိုကရေစီခရီး" ခေါင်းစဉ်ဖြင့် ဟောပြောခဲ့ပြီး ဒုတိယပါမောက္ခချုပ် ဒေါက်တာမိမိကြီးကို ပါမောက္ခချုပ် ဒေါက်တာတင့်တင့်က ဂုဏ်ပြုလက်မှတ် ပေးအပ်ချီးမြှင့် ခဲ့ပါသည်။ထို့နောက် ပါမောက္ခချုပ်နှင့် အဖွဲ့သည် ပြပွဲအခမ်းအနားများ၊ ပြည်ထောင်စုတိုင်းရင်းသားရိုးရာ အစားအစာအရောင်းပြခန်းများလှည့်လည် ကြည့်ရှုအားပေးခဲ့ကြကြောင်း သတင်းရရှိပါသည်။